Abadiñoko Udalak III. Berdintasun Plana onartu du

Planak lau ardatz nagusi dituela azaldu du Rosa Maria Miguel Perez Abadiñoko Berdintasun eta Aniztasun arloko zinegotziak: politika publiko guztietan berdintasunaren printzipioa bultzatzeko ekimenak, emakumeen ahalduntzea, berdintasunezko antolaketa soziala lortzea eta indarkeria matxistaren aurkako borroka. 

"Plan honekin udalari tresna eraginkora bat eman nahi diogu berdintasuna arlo guztietan bultzatzeko", azaldu du zinegotziak ohar baten bidez. Bere arabera, udalak eta herritarrek egindako "azterketa-prozesu" baten emaitza da plana; hainbat elkarrizketa eta batzar ireki antolatu ditu udalak herritarren beharrizanak eta erronkak identifikatzeko.

Planaren zabalkunderako bideo bat eta triptiko bat argitaratu ditu Abadiñoko Udalak, baita ere. 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.