Ezezagunek kristalak apurtu eta kalteak eragin dituzte Abadiñoko Traña-Matiena auzoko hainbat autotan. Mikel Garaizabal alkatearen esanetan, “19 auto kaltetu dituzte gutxienez, baina hogei baino gehiago ere izan daitezke, erraz”.
Solaguren kalearen ondoko aparkalekuan, eta Trañaetxoste eta Arzubia kaleen bueltan izan dira apurketok. “Goizean gerturatu naiz Solagurengo aparkalekura. Autoen jabeetako batzuekin egon naiz. Ertzainetara jo dute salaketa ipintzera. Bestalde, autoa ondo ote zegoen ikuskatzera gerturatu denik ere egon da”, azaldu du Garaizabalek.
9 salaketa
Ertzaintzak hedabide honi baieztatu dionez, oraingoz, 9 herritarrek ipini dute salaketa. Erasoak bart gauerditik aurrera gertatu direla jakinarazi du, eta, gaineratu du gertaturikoa argitzeko ikerketa bat abiatu duela.