Abadiñoko Udalak garbitasun eta higiene produktu sorta bat erosi du Janari Bankutik laguntza hartzen duten 57 familien artean banatzeko, udalak ohar batean jakinarazi duenez.
Janari Bankua arduratuko da produktu horiek familiei banatzeaz ohiko janariekin batera (kontserbak eta paketatutako janariak, produktu freskoak, fruta eta jaki izoztuak). "Familia horiek aspalditik ibili dira eskatzen Udalari garbitasunerako produktuak hornitzeko, premia gorrikoak zaizkielako pandemia garai honetan", azaldu dute oharrean.