Horietatik, 10.000 euro Abadiñoko gazteek proposaturiko proiektuak gauzatzeko erabiliko dira Ana Gomez Gobernantza eta Herritarren Partaidetza arloko zinegotziak azaldutakoaren arabera. Proposamenek udalaren eskumenekoak izan beharko dute egin ahal izateko, eta teknikoki eta ekonomikoki bideragarriak. Talde tekniko batek proposamen guztiak aztertuko ditu, eta ostean, udalak hautaketa bat egingo du; herritarrek gustukoenak bozkatuko dituzte gero.
"Inork ez daki abadiñarrek baino hobeto Abadiñok zer behar duen. Horregatik jarri dugu martxan berriro plan hau, Abadiñori mesede gehien egin diezaioketen ekimenak bultzatzeko balioko duelakoan", dei egin die Gomezek herritarrei beraien proposamenak bidaltzeko.