"Udalak energia-iturri berriztagarriak erabiltzea bat dator inguremenarekiko errespetua sustatzeko duen konpromisoagaz" azaldu du Mikel Garaizabalek.
Lehiaketa publikora
EH Bilduk esleipena bertan behera uzteko eskatu du. Alderdi independentistaren arabera hornidura elektrikoa esleitzeko oharrak "atzerapen handiagaz eta inongo batzordetan adostu gabe" kaleratu dira. "Urteak daramatzagu eskatzen hornidura elektrikoa lehiaketa publikoa atera dadin, eta %100 berriztagarria den jatorria berma dadin. Oso gai garrantzitsua da, udalak 3 milioi euro baino gehiago ordaindu dizkio azken hamar urteetan Iberdrolari era irregularrean, eta energiaren jatorria berriztagarria dela bermatu gabe" azaldu du EH Bilduk ohar baten bidez.