Tokiko ekoizleak ere kontutan hartuko lituzte proposamen honek alderdi subiranistaren arabera. "Udalak beharrizana duten ikasleentzako janari loteak egin eta banatu beharko lituzke, produktu fresko eta osasuntsuak barneratuz, bide batez, tokiko ekoizleak lagunduz".
Esan bezala, elikagai bankuaren jarduera osatuko luke egitasmo honek. "Abadiñoko elikagai bankuak ematen duen zerbitzuaren osagarri bezala planteatzen dugu neurri hau. Izan ere, bertan kontserbak bakarrik banatzen dira eta gainera ohiko egoeran elikagaiak bertatik jasotzen dituzten familiek, otordu gehiago prestatu behar dituzte egunotan" azaldu dute oharrean.