Eskualdeko txirrindulariak Sevillan (Espainia) jokatu den Espainiko Kopan parte hartu dute asteburuan. Bertan, Illart Zuazubiskar abadiñarrak sasoi betean dagoela erakutsi du. Atzo, omnium proba nagusitasunez irabazi zuen abadiñarrak; proba osatzen duten lau lasterketetatik hiru irabazi zituen eta laugarrenean bigarren egin zuen. Gaur, berriz, Markel Rodriguez herrikidearekin madisonean parte hartu du eta irabaztea lortu dute. Abadiñarrek lehenengoz parte hartu dute elkarrekin.
Emakumezkoetan, Aroa Gorostiza elorriarrak hirugarren postua lortu zuen atzo omnium proban.