Joan zen asteburuan Garaiko ziklo-kros proban egin bezala, gaur ere atzetik aurrerako lasterketa bat eginda garaipena lortu du Astana taldeko Gorka Izagirrek. Ormaiztegiko txirrindularia lehenengoa izan da Muntsaratzeko helmugan, Ismael Esteban eta Kevin Suarez kantabriarren aurretik.
Emakumezkoetan, Lucia Gonzalez asturiarrak ez du aurkaririk izan eta nagusitasunez irabaztea lortu du. Bigarrena, Sandra Trevilla izan da eta hirugarrena Olatz Odriozola.