Pediatraren baja dela eta zerbitzua murriztu du Osakidetzak. Erabiltzaileek, kontzentrazio bi egin dituzte egoera salatzeko. Abadiñoko Gobernu Taldeko ordezkariek gaur jakinarazi dutenez, Matienako Osasun Zentroko pediatria zerbitzua berriro hasiko da normaltasunez lanean astelehenetik aurrera.
Hala jakinarazi diete gaur Osakidetzako arduradunek Udal Gobernu Taldeko kideei, Galdakaoko Ospitalean egin duten batzarrean, prentsa oharrean azaldu dutenez.