Zapaturako, egun osoko plana prestatu dute gazteek. Goizean bizikleta martxa egingo dute, eta, gero, futbito txapelketako finala jokatuko dute. 15:00etan gaztetxean batuko dira, bazkaltzeko; asko izanez gero, probalekuan izango da bazkaria. Arratsaldeko "karropoteoaren" eta jokoen ondoren, kontzertuekin itxiko dute eguna. Turbot, Personas Muertas eta Azken Hatsa taldeek eskainiko dituzte kontzertuak.
Domekarako ere prestatu dituzte jarduerak. 16:00etan, bezperan zikindutakoa batuko dute. Amaitzeko, txokolote beroa hartuko dute, 20:00etan.