Abadiñarrek erosketak herrian egitea sustatzeko kanpaina martxan jarriko du udalak, laugarren urtez. "Herriko komertzioetan salmenta bultzatzea da ekimenaren helburua. Horrekin batera, erreztasunak eman nahi dizkiegu bezeroei establezimendu horietan dagoen kalitatezko eskaintza zabala ezagutzeko" azaldu du Iñaki Rekalde Ogasun, Ekonomia Sustapen eta Enplegu arloko zinegotziak.
Iaz, hogeita bi denda eta tabernak parte hartu zuten ekimenean. Aurten parte hartzea gura duten saltokieko arduradunek haz@abadiano.org helbidera idatzi edo 94 621 55 34 telefonora deitu behar dute. Herritarren Arreta Zerbitzurako udal bulegoetan ere egin daiteke eskabidea.