Atzo foru zelaiko atea ixtera joandakoan, udaltzaingoak Gerediagako horma batean dagoen horma-irudia apurtuta aurkitu zuen, ezezagunek harrika apurtuta. Momentuz, kristalezko panela lurrean dago apurtuta, eta harriak ere inguruan ditu.
Ana Otaduik "errespetua" eskatu du
Ana Otadui Bizkaiko Batzar Nagusietako lehendakariak, horma-irudiko kartelak jasan duen erasoa "deitoratu eta gaitzetsi" du, Aldundiak bidalitako ohar batean.
Imanol Larrinaga artistak egindako kartelak Durangaldeko Merinaldeko udalerri bakoitzeko ordezkariak erakusten ditu. Aintzinako politikan funtsezkoa izan zen barrutiaren historia kontatzen duen horma-irudietako bat da. Otaduik ondarearen parte den barruti historikoaren aurreko "errespetua" eskatu du, eta bere "itxaropena" erakutsi du, horrelako erasorik "berriro gertatu ez dadin".