Zapatuan Zaldibian jokatutako mendi lasterketan Gartzen Elejabarrieta korrikalari abadiñarrak garaipena lortu zuen 15 kilometroko lasterketan. Elejabarrietak 1:22ko aldea atera zion Iker Diges bigarren sailkatua, eta 1:44koa Josu Urrestarazuri. Abadiñarrak sare sozialetan adierazi duenez, "pozik" dago lortutako garaipenarekin. "Lesioekin aurrera eta atzera ibili ondoren, ezin izan dut lasterketa luzea egin. Hala ere, lasterketa honetan parte hartzeak izan du bere alde ona", aitortu du.