Aeropress kafe-makina erabilita ekin behar diote erronkari parte hartzaileek. Hiru epaimahaikidek kafearen gorputza, zaporea, gozotasuna eta azidotasuna neurtuko dituzte, besteak beste. Hain zuzen ere, 2004ean asmatu zuen Alan Adler estatubatuarrak Aeropress kafe-makina, kafearen infusio denbora laburtzeko asmoagaz.
Oraingoz hamabi lagunek eman dute lehiaketarako izena. Peruko Jaen eskualdeko kafea erabiliko dute parte hartzaileek. Irabazleak Espainiako txapelketan parte hartu ahalko du.