Federazion arteko GRAVNI txapelketako finalak jokatu ziren atzo. Trinketean eta buruz buru, Asier Aspuru abadiñarra geratu zen txapeldun emozio handiko finalean. Tanto bateko aldeagatik irabazi zion Eneko Maiz gipuzkoarrari: 40-39. Aspuru 26-34 eta 36-39 atzetik joan zen markagailuan eta azken lau tantoak segidan egin zituen txapela Bizkaira ekartzeko.
Bestalde, trinketean eta binaka, Jon Arana abadiñarrak ezin izan zuen finala irabazi. Ziarrustak eta biek 24-40 galdu zuten Ipar Euskal Herriko Heguy-Harocarene bikotearen kontra.
