Asteburuan Galapagarren (Madril) pistako Espainiako Kopako bigarren jardunaldia jokatu da. Bertan, eskualdeko hainbat txirrindulari izan dira eta lan txukuna burutu dute. Junior mailan Markel Rodriguez abadiñarra bigarren postuan gelditu zen sailkapen nagusian, tempon laugarren, scratchen bosgarren eta puntuaketan bigarren egin ostean. Andoni Espejo hamargarren izan zen tempon eta hogeigarren puntuaketan. Oskar Solanak, berriz, 21en postuan bukatu zuen puntuaketa.
Maila nagusian Illart Zuazubiskarrrek laugarren postua lortu zuen; hirugarren sailkatuarengandik puntu bakarrera gelditu zen abadiñarra. Eustrak-Euskadi taldeko txirrindulariak garaipena lortu zuen tempo proban, seigarrena izan zen scratchean eta hirugarrena puntuaketan.
