Gaizka Juaristi Arrindak (Abadiño, 1980) Nafarroako Igantzi herrian lehiatutako Irisarri Bike Enduro Txapelketa irabazi zuen joan zen asteburuan. Abilidadea eta abiadura uztartzen dituen modalitatean, lau jaitsiera egin zituen bizikletagaz eta denbora denak batuta bera izan zen azkarrena: 11.51. Segundo bakarrera geratu zen Victor Saenz bigarren sailkatua. “Ez nuen irabazterik espero eta oso pozik nago. Aurten ez nabil hainbeste probatan parte hartzen. Gehiago aukeratzen ditut. Espainiako Openean ez dut parte hartu, esaterako. Beraz, aurreneko bosten artean ibiltzea nuen helburu eta irabaztea sorpresa izan zen”, adierazi du Juaristik.
Abiadura bizian egindako jaitsieretan saltoak egin behar izaten dituzte sarritan:
