anboto.org

ADEMBIren aldeko elkartasun azoka egingo du Abadiñoko EAJk domekan

  Gizartea  Abadiño

Esklerosi anizkoitzaren Bizkaiko elkarteari emango dizkiote uztailaren 1eko azokan irabazitako dirua. 

ADEMBIren aldeko elkartasun azoka egingo du Abadiñoko EAJk domekan
Amaia Oskoz, Mikel Garaizabal, Carmen Marco, Maria Angeles Lara, Iker Murillo eta Alfonso Castresana | Ikusi handiago | Argazki originala

Goizeko 11:00etan hasiko da azoka, eta iluntzera arte iraungo du. Traña-Matienan egingo da, Oxford eta Atsegin tabernen artean. Bertan, bigarren eskuko hainbat material egongo da erosteko moduan, erropa, liburuak eta diskoak bezala. Barikura bitartean, ubbeajabadino@gmail.com helbidera idatzi dezake materiala eman nahi duen edozeinek. 

Abadiñoko EAJk antolatzen duen hirugarren elkartasun azoka izango da aurtengoa. Lehenbiziko bietan Geube eta Abadiñoko Elikagai Bankuari eman zizkioten irabaziak, hurrenez hurren. ADEMBIk hiru hamarkada baino gehiago daramatza esklerosi anizkoitza duten pertsonegaz beharrean. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa