San Blas Azoka euskal artzain txakurren bilgune

Jone Guenetxea 2018ko ots. 4a, 21:36

Euskal Artzain Txakurraren Adiskideak elkarteak postua jarri zuen San Blas Azokan, atzo. Kamisetak salduz elkartearen jarduna finantzatzea dute helburu. Elkarteko kide da Jone Atxotegi abadiñarra.

Euskal artzain txakur arraza mantentzeko sortutako elkartea San Blas Azokan izan zen atzo. Euskal Herri osoko  bazkideak txakurrekin bildu ziren azokan jarri zuten postuan. Patxi Lizarbe nafarrak azaldu zuenez, galtzeko zorian dagoen arraza zaintzeko helburua duen elkarteak azoketan kamisetak saltzen ditu finantziazioa lortzeko. "Momentu honetan artzain askok artzain txakurraren izakera bilatzen dute". Arraza honetako 500 txakur ei daude erregistratuta.

Elkarteko kideak baserririk baserri joaten dira arraza honetako txakurren bila. Beraz, ikerketa lan handia egiten dute. Gainera, azterketa genetikoak egiten ari dira eta EHUgaz kolaboratzen dute.

Momentu honetan elkarteak 40 bazkide ditu. Jone Atxotegik dioenez, elkartean Durangaldeko beste kide batzuk ere badaude.

 

 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!