Deneriko ekintzak prestatu dituzte eta, horien artean, herriko Baske Street Boys taldearen kontzertua egongo da. Ibai Zabala pilotaria abeslari duen taldeak kontzertu gutxi ematen ditu, soilik hitzordu berezietan, eta zapatukoa izango da eurek zuzenean ikusteko aukeretako bat. 23:00etan hasiko da kontzertua, Zalduerreka elkartean, eta Eskupitajo taldeak joko du eurekin. Ostean, Dj Alus arituko da jai-giroa sortzen.
Barikuan elkarretaratzea egingo dute, 20:00etan. Gero, 22:00etan, Ainhoa Gangoitiak Amerikan bizitako esperientziak kontatuko ditu argazki bidez. Zapatuan egun osoko jaia izango da; 09:30ean mendi irteera egongo da, eta eguerdian, bazkaria. Txartelak salgai daude Mesoi, Abarketeruena eta Tipi-Tapak tabernetan