Azaroaren 25ean bertan, kontzentrazioa egingo dute Trañabarren kalean; 12:00etan hasiko da. Azaroaren 29an, berriz, Bertha Gaztelumendiren Volar dokumentala proiektatuko dute Errota kultur etxean. Emanaldiaren ostean, solasaldia egingo dute dokumentalean lekukotza ematen duten emakumeetako batzuekin.
Aurten, garrantzia eman gura izan diote udaletik kontzientziazioari. Hori dela-eta, desjabekuntzarako klown tailerra antolatu dute adin guztietako mutilentzat. Galtzen ikasi deitzen da tailer berezia, eta Errota kultur etxean egingo da; 10:30-14:00 bitartean izango da. Izen-ematea 24ra arte izango da. Bestalde, Beldur Barik topaketarako autobusa antolatu du Berdintasun Sailak. Eibarren izango da topaketa. Azaroaren 28ra arte eman daiteke izena.