Abadiñarrak arte eszenikora hurbiltzeko asmoarekin hasi zen antolatzen Antzerkiño jaialdia duela hiru urte. Azaroaren 26ra bitartean, lau obra eskainiko dira Errotan. Lehena, `Hamlet 2.0´ izango da. Hilaren 11an, berriz, Tela Marinera taldeak `Nunca es tarde si...´ komedia antzeztuko du. Azaroaren 18an zein obra eskainiko den ez dago zehaztuta oraindik. III. Antzerkiño jaialdia Markeliñe taldeak itxiko du, Èuria´obrarekin.
Eneko Etxebarria kultura zinegotziaren arabera, jaialdiak aukera ematen die abadiñarrei "talde handien lanak prezio merkean ikusteko".