Abadetxea udalaren hainbat zerbitzu hartzeko prestatzea izan da Abadiñoko Udalak 2017rako onartutako aurrekontuak jasotzen duen inbertsio nagusia (253.045 euro). Eraikin horretan harrera-gunea, idazkaritza eta artxibategia atondu dituzte, besteak beste.
Bestalde, udaletxean igogailua ipintzeko lanak esleitu ditu Abadiñoko Udalak, eta alkatearen arabera, azaroan ekingo diete lan horiei. Udaletxeko irisgarritasuna hobetu gura dute igogailua ipinita.