Abadiñarrak sailkapen orokorreko podiumean sartzeko aukerekin bidaiatu du Italiara, baina baldintza dezente eman behar ziren horretarako. Azkenean mendi lasterketen Munduko Kopako sailkapen orokorrean bosgarren postuan geratu da atzo 10. tokian amaituta. 29 kilometroko ibilbide gorabeheratsuari aurre egin zioten parte hartzaileek. Emakumeetan Tove Alexanderson izan zen onena. Suediarra akituta heldu zen helmugara. Helmuga zeharkatu eta berehala ondoezik sentitu zen, oxigeno maskarilatxoa jarri zioten eta osasun zentrora eraman zuten. Aurretik, gurpildun aulkian igo zuten podiumera.
Honela geratu da Munduko Kopako sailkapena:
1- Sheila Aviles (Katalunia): 449.5 puntu.
2- Laura Orgue (Katalunia): 416.8 puntu.
3- Ragna Debats (Herbehereak): 401.6 puntu.
4- Hillary Gerardi (AEB): 376 puntu.
5- Oihana Azkorbebeitia (Euskal Herria): 364 puntu.