VI. Baserri Eguna antolatu dute irailaren 22rako

Itsaso Esteban 2017ko ira. 14a, 11:16

Alluitz Natura enpresak eta Abadiñoko Udalak antolatu dute Baserri Egunaren seigarren edizioa, irailaren 22rako. Bertako baserritaren ekoizpenak eta bizimodua ezagutzera ematea da ekimen horren helburua, eta tailerrak eta dastaketak izango dira, besteak beste.

Abadiñon ekoitziriko gazta eta txakolina dastatzeko aukera izango da, 17:30etatik 20:00etara, Matiena plazan, eta umeentzako jolasak ere eskainiko dituzte, bertan. Txapel jaurtiketa txapelketaren seigarren edizioa ere buruko dute, bestalde. Euria egin ezkero frontoian egingo dituzte aipaturiko ekintzak.

Transhumantzia Urkiolara

Baserri Eguneko ekimenei lotuta, iraialaren 24an, ardien transhumantzia egingo dute, Urkiolaraino. Atxartetik abiatuko dira, 10:00etan, eta ardi-mozte erakustaldia eta tailerrak egingo dituzte, 12:30etatik 14:30etara, Urkiolako Santuregian.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!