Laubideta Kirol Elkarteak eta Abadiñoko Udalak antolatuta, zortzigarren aldia egingo du domekan Duatloi Txikiak.
Gaztetxoak adinaren arabera banatutako zirkuituetan ibiliko dira, korrika zein bizikletan, 11:30etik aurrera. Izen-ematea egunean bertan egin daiteke 10:00etatik 11:00etara, Muntsaratzeko aterpean (euro bat). Parte hartzaileen artean zozketak egingo dituzte.