anboto.org

‘Comunicado de muerte’ antzezlana eskainiko du Banartek, bihar

  Kultura  Abadiño

Bihar, 19:00etan, Traña-Matienako Errota kultur etxean eskainiko duten emanaldiagaz ikasturte amaiera ospatuko dute Banarte antzerki taldeko kideek.

Talde horrek gidatu duen bederatzigarren antzerki tailerrean prestaturiko Comunicado de muerte eskaniko dute, Frankistek 1974an garrotez erail zuten Salvador Puig Antich ekintzaile anarkistaren eta Jesus Irurre kartzelako funtzionarioaren arteko adiskidetasunaren inguruko obra.

Tailerrean parte hartu duten hiru laguneko taldeak osatu dituzte Comunicado de muerte sortzeko. Taldekideetariko bat zuzendari legez jardun da, eta aktore lanetan ibili dira beste biak. Testu beretik abiatuta, besteekin hartu-emanik izan barik prestatu du talde bakoitzak bere antzezlana. Ariketa horregaz, testu beraren hiru interpretazioen arteko antzekotasunak eta desberdintasunak ikusgai izango dira.

Frankistek 1974an garrotez erail zuten Salvador Puig Antich ekintzaile anarkistaren eta Jesus Irurre kartzelako funtzionarioaren arteko adiskidetasunaren ingurukoa da Rafa Herce Banarteko kideak idatziriko testua. Antichegaz izan zuen hartu-emanak Irurre zelan aldatu zuen kontatzen du, besteak beste.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa