Adineko pertsonen osasunean eta ongizatean eragina daukaten faktore sozioekonomikoak zein ingurumenekoak hobetzea da herriko nagusien elkarte biek martxan ipini duten Abadiño Lagunkoia izeneko ekimenaren helburua. Nagusien bizi kalitatean eta osasunean eragina duten zortzi arlo landu gura dituzte proiektu horren barruan, herritar guztien parte hartze zuzenagaz. Pertsona nagusien eskubide, beharrizan eta ahalmenez kontzientziatu gura dituzte abadiñarrak.
Udalean ordezkaritza daukaten hiru alderdiek jo zuten San Trokaz eta San Prudentzio elkarteen ekimena positibotzat. EH Bilduk azpimarratu zuen, onarturiko deklarazioan jasotako aldarrikapenak gauzatzeko ezinbestekoa izango dela udalak gaiaren jarraipen eta lanketa egitea, adierazpena ez dadin "deklarazio huts batean geratu".