Goi mailako mutilen kategorian, Ariznabarretarekin batera, podiuma Durangaldea Running-eko Txomin Marañon eta Durango Kirol taldeko Ibon San Miguelek osatu dute. Durangoko azken taldean korrika egiten duten Ekaitz Kortazarrek eta Xabier Tijerok bosgarren eta seigarren postuak lortu dituzte. Promesetan Durangaldea Running-eko Eider Gorrotxategi bosgarren sailkatu da eta Marañonek urrezko domina eskegi du.
Goi mailako Emakumeetan, Iraia Garcia zornotzarrarekin batera Natalia Gomez, Durango Kirol Taldeko korrikalaria, podiumera igo da hirugarren postuan, eta Gurutze Frades iurretarra, laugarren sailkatu da. Durangoko taldean ari den Maria Zorrozak, berriz, zazpigarren postua lortu du.
Azkenik, gazteetan, mutilen kategorian, Deportivo Zornotzako Jokin Totorika hirugarren postuan heldu da helmugara.
Guztira Durangaldeko taldeek 12 domina lortu dituzte: Durangaldea Running taldeak 6, Durango Kirol Taldeak 5 eta, Deportivo Zornotzak bat.