Lehen aldiz egingo duten lehiaketa honek ‘Abenduko ipuinak’ izango du gai bezala. Haurrek beraien imajinazioa erabili behar izango dute gai honi loturiko idazlanak aurkezteko. Bi kategoria izango ditu lehiaketak: alde batetik, LH3 eta LH4 mailakoak; eta bestetik, LH5 eta LH6 mailakoak.
Zelaietako Mediatekan eta Errota Kultur Etxean jarriko dituzten postontzietan jasoko dituzte idazlanak. Izenburua bakarrik jarri behar zaie idazlanei eta beste gutun-azal batean parte-hartzailearen datuak sartu beharko dituzte kanpoaldean idazlanaren izenburua jarriz.
Otsailaren 2an egingo dute sari banaketa. Sari nagusia Abadiñoko edozein liburu-dendan liburuak erosteko 60 euroko bonua izango da.