500 erosketa bonu atera ditu udalak, eta udaletxean edo Traña-Matienako udal bulegoan eskatu ahalko dute abadiñarrek. Bono bakarra emango diote eskatzaile bakoitzari. Bonua 20 euro ordainduta eskuratu, eta kanpainagaz bat egin duten dendetan —kartel bat ipini dute kanpainagaz bat egin duten dendetan—, 30 euroko erosketa egin ahalko da.
Iñaki Rekalde zinegotziak azaldu duenez, kanpainagaz bat egin duten komertzioen artean, tabernak, ile-apaindegiak, eta liburu-denda eta farmazia bana dago. “Pozik gaude merkatariek kanpainari eman dioten erantzunagaz”, esan du Rekaldek, “orain, kontsumitzaileek kanpainari harrera ona egitea da espero duguna”.
