Atxarte pelotazale elkarteko Asier Aspuruk eta Aitor Arabiourrutiak espero baino errazago menderatu zituzten Ekhi Ziarrusta eta Iker Etxebarria. Ligaxkan, protagonista berdinek, partidu estu eta lehiatua jokatu zuten (40-36) eta horregatik bete-beteko partidua itxaroten zen. Hasiera halakoxea izan zen, oso parekatua: 11na berdinduta joan ziren. Ordutik aurrera irabazleak atzean nagusitu egin ziren, eta tantoak euren aldera erori ziren bata bestearen atzetik.
Aspuruk federazioen arteko GRAVNI txapelketa ere irabazi du aurten eta urterik urtera gero eta gorago dabil trinketean.