Aurten laugarren aldia egingo du Traña-Matienako San Prudentzio jaien harira antolatzen duten futbito txapelketak. Izen-ematea apirilaren 10era arte dago zabalik eta 15 euro izango da talde bakoitzeko. Plaza mugatuak daudela gogoratu dute antolatzaileek. Talde bakoitzeko, gehienez, 10 jokalari apuntatu daitezke. Parte hartzea gura dutenek futbitomatiena@gmail.com helbidera idatzi dezakete honako datuak jasota: taldearen izena, partaideen izen-abizenak, kamiseta kolorea eta telefono zenbaki bat.
Kanporaketak apirilaren 17an eta 24an jokatuko dituzte goizez zein arratsaldez Matienako kiroldegian. Finalak San Prudentzio jaien barruan jokatuko dira.