Asteburuan Logroñoko Adarraga pilotalekuan jokatu zuten Errioxako txapelketara Euskadiko hainbat talde gonbidatu zituzten, tartean Abadiñoko Fexmack kluba. Abagunea aprobetxatuz, hiru domina irabazi zituzten: Ander Ozaetak urrea (Light contact, 69 kilora artekoa), Julen Muñozek zilarra (Light contact, 59 kilora artekoa) eta Ibai Arantzamendik brontzea (Light contact, 94 kilora artekoa). Alain Tellok eta Flavian Ignat-ek ere parte hartu zuten txapelketan.
Datorren igandean Castro Urdialesen (Kantabria) jokatuko den arte martzialen open batean parte hartuko dute.