Mikel Gonzalez eta Inhar Ugarteren arteko finalerdia istorio gutxikoa izan da. Beti alde nabarmenak izan zituen berriztarrak eta algortarra ezinean aritu zen. Gainera partidu hasieran eskua ere mindu zitzaion eta finalerdia guztiz apurtu zen (20-40).
Ander Antxiak finalerdia jokatu ordez lagunartekoa jokatu zuen Asier Aspururen kontra. Ezustean gazteak irabazi zuen (32-40) bien arteko aldea hain handia ez dela argi utziaz. Lagunartekoa izanda eta azken egunetan gerriko arazoak izan ostean, Antxiak beharbada ez zuen bere onena eman, baina Aspuruk partidu oso ona jokatu zuen eta merezita gailendu zitzaion.
Beraz, bi bizkaitar izango dira beste behin datorren ostiralean jokatuko den Tornosolo Kopako final nagusian.