Antzerkia eta ahotsaren lanketa, Banarte taldearen ikastaroetan

Anboto 2015ko ira. 21a, 13:58

2015-2016 ikasturterako eskainiko dituen tailerren berri eman du Banarte Antzerki Taldeak. Ikastaroen inguruko informazioa www.banarte.net webgunean eskuratu daiteke, eta banarte@gmail.com helbidera idatzita eman daiteke izena.

Urritik ekainera arte, eguaztenetan egingo dituzte antzerki tailerreko saioak. Aitziber Bilbao elorriarra izango da irakaslea. Aurretik antzerkian ezelako esperientziarik ez daukaten 15 urtetik gorakoei zuzenduriko ikastaroa da, antolatzaileen berbetan, "norbere burua ezagutzeko" aukera. Aurreko urteetan bezala, ikasturteko azken hiruhilekoan Errota kultur etxean aurkeztuko duten obra prestatzen ariko dira.

Ahotsa lantzeko ikastaroa ere eskainiko du Banarte Antzerko Taldeak, seigarren urtez. Ainhoa Bilbaok gidatuko du ikastaro hori, eta urritik abendura bitartean egingo dute.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!