Final bikaina izan zen Bielle-De Ezcurra eta Gonzalez-Antxia bikoteek Abadiñoko Tornosolo trinketean eskaini zutena. Azkenean, baina, etxekoek ezin izan zuten garaipena lortu.
Partidua oso lehiatuta egon zen hasiera-hasieratik. Hala ere, partiduak aurrera egin ahala, iparraldeko bikotea gailentzen joan zen, De Ezcurra atzelari bikainaren lanari esker. Markagailuak erabakita zirudien arren (38-24), etxekoak ez zuten amore eman eta partidua berdintzea lortu zuten izugarrizko partzial baten bitartez (38-38).
Amaieran, ordea, iparraldekoek falta zitzaien bi tantoak egitea lortu zuten eta garaipena beraientzat izan zen (40-38).