Gaztetxoetatik nagusietara arteko borrokaldiak ikusteko aukera egongo da, eta hiru mailatan banatuko dituzte: light-contact, semi-contact eta full-contact. FexMack klubeko Mack Tiradok esan duenez, “kickboxing arina eta gogorra, bietatik ikusteko aukera egongo da”. Gaztetxoenak askotariko babesgarriekin ibiliko dira, batere minik hartu ez, eta kirolagaz gozatu dezaten.
Parte-hartzaileetatik bederatzi Abadiñoko klubekoak izango dira: Jazmin Henderson, Unax Agirre, Alazne Escabias, Julen Muñoz, Lorea Solana, Dani Borge, Alain Tello, Alex Henderson eta Endika Aspiazu; azken hirurak maila absolutuan ariko dira. Alex Henderson berriztarrak 17 urte ditu, eta gaur lehenengoz parte hartuko du nagusien mailan.