Hiru final jokatuko dituzte Abadiñoko Tornosolon, barikuan, 18:30etik aurrera. Lehenengo, eskuz binaka eta kadeteetan Elorrioko Berriotxoa eta Urnieta lehiatuko dira. Ligaxkan gipuzkoarrak nagusitu ziren, baina partidu gogorra jokatu zuten. Elorrioko bikotea Azkarragaurizar eta Sagastak osatuko dute. Ondoren, buruz buruko finala jokatuko dute Asier Aspuruk eta Mikel Rafael arabarrak (Zaramaga). Rafael 2013ko GRAVN txapelketako txapelduna da eta bera da faborito. Aspuru bere armak erabiliz sorpresa ematen saiatuko da.
Azkenik binaka eta nagusien mailan, Abadiñoko Tornosolo eta Sopelako Kurene lehiatuko dira. Tornosoloko bikotea Gandiagak eta Gonzalez berriztarrak osatuko dute; Gordon eta Ugarte izango dituzte parez pare. Pronostikoak irekita daude. Bizkaiko txapelketan Tornosolokoek lortu zuten garaipena, baina Kureneko bikotea sasoi betean dago, iaz txapeldunak eta Bizkaiko txapeldunak menderatu ostean heldu direlako finalera.