Lehenengo egunetik Les Fonts probako lider jarri zen, Abadiñon bizi den korrikalaria. Bere buruari jarritako marka (bi ordu) sei minutu inguruan hobetzea lortu zuen; 1:53:23 denbora eginez. Marka horrekin zapatuan bigarren emakumearekiko sei minutuko aldearekin irteteko aukera eduki zuen.
Zapatukoa hiru lasterketatik luzeena izan zen. Hasieratik Trigueros izan zen lasterketa buruan eta inork ez zuen lortu hau aurreratzea. “Helmugan esperotako emaitza lortu nuen, 9:22:38”,aitortu du korrikalariak.
Domekan berriz, bigarrenarekiko 45 minutuko errenta izan zuen korrikalariak. Baina helmugarako lau kilometro faltan hirugarren postuan zegoenean bide okerra hartu eta lasterketa laugarren bukatzea lortu zuen.
Hala ere, 14:57:05 markarekin Silvia Triguerosek emakumezkoetan sailkapen nagusia irabaztea eta sailkapen orokorrean hamalaugarren postuan bukatzea lortu zuen. Hurrengo lasterketa apirilaren 6an Frantzian izango du, Citadelleseko ultra traila.