Nahiz eta, taldekako jazarpen proban, brontzearen lehian ibili Zuazubiskarrek eta bere taldekideek ezin izan zituzten alemaniarrak menderatu. Madisonean berriz, bere selekzioko kidearekin batera 8en postua lortu zuen; Munduko Kopako sailkapen orokorrean bigarren bukatuz. Bestalde, larunbatean bukatutako pistako Gipuzkoa Sariako sailkapen orokorrean bigarren bukatzea lortu zuen Euskadi taldeko txirrindulariak.
Errepideko lasterketei dagokionez, otsailaren bederatzian ekingo dio denboraldi berriari Euskadi Fundazioa taldearekin. Hirugarren urtez jarrain, Mallorkako lau eguneko itzulian, hasiera emango dio denboraldi honi.