Euskadiko eliteen finalerdia jokatuko dute.
Eliteen mailan, Euskadiko buruz buruko finalerdiak jokatuko dituzte gaur, 19:00etatik aurrera, Abadiñoko Tornosolo trinketean. Finalerdi batean parez pare egongo dira Rober Uriarte abadiñarra eta Iker Gonzalez berriztarra. Gonzalezek erraz kanporatu zuen Liher Gandiaga final laurdenetan: 40-15. Uriartek, aldiz, justu-justu irabazi zion Iker Gordoni: 40-37.
Beste finalerdian Ander Antxia abadiñarrak Mikel Rafael izango du etsai. Finalak uztailaren 20an, barikuan, jokatuko dituzte Abadiñoko trinketean.