Autoak eta muturreko kirolak gustuko dituztenek zita dute asteburuan Abadiñon.
Estatu osoan zehar egiten dabiltzan bira baten baitan, Monstertruck ikuskizuna egongo da ikusgai Abadiñon; hain zuzen ere, 90 minutuko ikuskizunak dituzte programaturik. Ordu eta erdian zehar, kamioi erraldoien ikuskizunaz gozatu ahalko dute Eroskiko aparkalekura hurbiltzen direnek. Guztira, hiru emanaldi eskainiko dituzte: lehena zapatuan izango da, 20:00etan; beste biak, ostera, domekan izango dira, 12:30ean eta 20:00etan. Sarrerak bertan egongo den txarteldegian erosi ahal dira, 11:00tik aurrera .