Lehenengo mailako diabetea edukita, Iron Man bat burutu duen lehendabiziko europarra da Jon Karro.
Maiatzaren 14an L´Ampollan (Katalunia) jokatu zuten Iron Cat proban 99.postuan amaitzea lortu zuen abadiñarrak. 12 ordu pasatxo behar izan zituen Karrok proba osatu ahal izateko; 12:06:02 ordu, hain zuzen ere. Karrok azaldutakoaren arabera, denboraldiko helburu nagusia zen proba horretan parte hartu eta amaitzea. Iron Cata Atxintxika triatloi taldeko Alexander Agirretxek irabazi zuen; 08:42:09 behar izan zituen lasterketa amaitzeko.