Edu Mendizabal entrenatzaileak Abadiño, Sokarri eta Ibarra hartu ditu faboritotzat.
Edu Mendizabal entrenatzaileak Abadiño, Sokarri eta Ibarra hartu ditu faboritotzat.
Zapatuan 640 kilora arteko txapelketako finala jokatuko da Zeberion. Abadiño sokatira taldeak txapelketako sailkapen fasean hirugarren amaitu ostean lortu du finalerako txartela. Abadiñogaz batera, Arrigorriagako Sokarri eta Ibarra taldeak ikusten ditu faborito Edu Mendizabal entrenatzaileak. Pisurik astunenaren txapelketan, 680 kilora artekoan, hiru talde hauek osatu zuten podiuma. Hiruak momentu onean daudela esan daiteke, beraz.
Ezpeletan jokatu zen sailkapen faseko lehendabiziko jardunaldia. Bertan, bosgarren postuan amaitu zuen Abadiñok. Bigarren jardunaldia, ostera, hobea izan zen Mendizabalen taldearentzat. Ibarran jokatu zen kanporaketa honetan, lehendabiziko postuan amaitzea lortu zuen Abadiñok. Honenbestez, hirugarren postuan sailkatzea lortu zuten.
Zeberion tiraldi gehien irabazten dituen taldea izango da txapelketako garailea.