Laubideta Triatloi Taldeak I. Duatloi Txikia antolatu du domekarako, Muntsaratzen.
Laubideta Triatloi Taldeak I. Duatloi Txikia antolatu du domekarako, Muntsaratzen.
Bost mailatan banatuta, korrika eta bizikletan ibiliko dira gaztetxoak. Izen-ematea egunean bertan egin behar da, Muntsarazko aterpean 10:00etatik11:00etara, eta doakoa da.
Lasterketak 11:30etik aurrera hasiko dira. Bost urtera artekoek 300 metro egingo dituzte arinektan; ondoren, 600 bizikletan eta amaitzeko 150 korrika. 6-7, 8-9 eta 10-11 urte arteko lasterketetan azkeneko korrika saioan gehitzen da distantzia; lehenengoak 200 metro egingo dituzte, bigarrenek 250 metro eta hirugarrenek 300 metro.
Azkenik, 12-13 urte artekoen ibilbidea honako hau da: 800 metro korrika, 1.400 bizikletan eta beste 300 arineketan. Parte-hartzaile guztiek jasoko dute oroigarri bana.