Asteburuan hasi ziren beraz Maienako San Prudentzio txapelketako partiduak. Lehenengo norgehiagokan, Bildosola eta Ansotegi markinarrak, eta Juaristi eta Larrunbe galdakoztarrak lehiatu ziren, kadete mailan hain zuzen. Bigarren neurketan, jubeniletan, Mentxaka eta Olabe Galarza eta Albizuriren kontra aritu ziren eta hauen ostean, Alustiza abadiñarrak jokatu zuen Abascal usansoloarrarekin batera, Marcos eta Bermejoren kontra. Azkenik, Lejarazu eta Solozabal iurretarrek, Gordon sopeloztarra eta Aizpuru abadiñarraren aurka neurtu zituzten indarrak eta horixe izen zen nabarmendu beharrekoa. 18-15 izan zen emaitza lan bikainaren ondoren. Gaur bigarren kanporaketa jokatuko dute bi gazteek.
Larunbatean eta igandean ere jokatu ziren partidak eta Matienako frontoia gainezka egon zen. Nabarmentzekoa Dimako Etxebarria anaien porrota izan zen aurreikuspen guztien aurka.
Biharko Izarrak
Bestalde, Mallabian ere Biharko Izarrakek aurrera jarraitu zuen eta emaitzak denetarikoak izan ziren durangaldekoentzat. Egoitz Amantegi abadiñarrak galdu egin zuen Azanzarekin batera Jauregi eta Lopetegiren aurka. Larrinaga elorriarrak ostera, izugarrizko maila eman zuen eta irabazi ere bai. Lazkozekin jokatu zuen elorrioko gazteak.