Munduko Txapelketaren atarian, Abadiño Sokatira Taldea oso sentzazio onak uzten dabil. 680 eta 640 kilora arteko garaipenen ostean, zapatuan 600ekoa irabazi zuen Bilboko La Casillan jokatutako finalean. Tiraldi guztiak irabazi zituzten. Sokarri sailkatu zen bigarren eta Ñapurrak hirugarren. Beraz, Abadiñok goma gainean eta zortziko txapelketan orain arte jokatu diren hiru finalak irabazi ditu. Datorren zapatuan 560 kilora arteko finala jokatuko dute. Irabaziz gero, modalitateko txapel denak Abadiño Sokatira Taldekoen buruan geratuko lirateke.
Datorren martitzenean Irlandarako bidea hartuko dute sokatiralariek bertan jokatuko delako munduko txapelketa. Egun bitan Abadiño Sokatira Taldea ordezkatuz lehiatuko dute eta beste egun bitan Euskal Sokatira Federazioa ordezkatuz.