Abadiño sokatira taldeak aparteko zailtasun edo estuasunik gabe lortu du 600 kilora arteko txapelketako finalerako sailkatzea. Lehen jardunaldian lehenengo geratu eta sailkapena bideratuta utzi zuten.
Joan zen asteburuan Urdulizen izandako jardunaldian bigarren sailkatu ziren. Multzoburuen arteko lehian galdu egin zuten Ipar Euskal Herriko Ñapurrak taldearen aurka. Horrela, zapatuan Bilboko La Casillan jokatuko den finalerako Ñapurrak da arerio nagusia, Ibarra eta Sokarrirekin batera. Lehia gogorra izango dute, otsailaren 20tik 23ra Irlandan jokatuko den munduko txapelketarako prestaketaren azken txanpan murgilduta daudelako talde guztiak.