1975. urtean, Franco diktadorea oraindik bizirik zela, Zornotzako gazteek jai egitarau bat proposatu zuten. Garaiko alkate Agustin Uriak, baina, atzera bota zuen proposamen hori, eta erabaki horrek protestak eragin zituen herrian. Urte hartako jaiak boikoteatzeko deia luzatu zuten gazteek. Urtebete beranduago, ostera, herriko jaiak antolatu ahal izan zituzten gazteek, eta Zornotzaren historian mugarri bat ezarri zuten. Aurten, jai horien 50. urteurrena beteko da, eta udalak jai herrikoiago eta parte-hartzaileago batzuen alde egindako ekarpena aitortu gura die.